Dr Aarmevatter
Wie voor em Spittel isch letschte Samschtig z Sissech zue und hääre gange. E Beckermäischter hed nämmlig in der Begeegnigszoone Broot an d Spittler verdäilt. Wäägenemen Aalass isch d Begeegnigszoone für e baar Stund däilwyys für d Auti gspeert gsii. Und will wäägedäm e baar Stund niemer voor em Becker syym Laade hed chönne s Auti aanestelle, hed er syys Broot nit apbrocht. Drum hed er s fürig Broot, won er zvill bache ghaa hed, ebe an die, wos nöötig ghaa häi, verdäilt. Es syygi schyyns zue und hääre gange wie im Himmel vorusse. Blööder ischs für die gsii, wo wie allewyyl z Fuess und/oder mit em Wello am Moorgge bim freigiibige Becker syy go yychaufe. Will die häi irri Gipfeli und Weggli müesse säälber zaale.
Aarmevatter = Wohltäter
Spittler = Armengenössig
