Soo. Jetz häi d Bäärner e nöi Bundesröötene und e nöie Bundesroot, und miir uus em Baaselbiet syy wiider äinisch mee nit in d Chränz choo. He nu soo denn. Wie säit der Baaselbieter: Mir wäi luege! Nummen esoo nääbenyyne, vo wääge, mir wäi luege. Worum häi mir z Bäärn ooben äigedlig nüt z bstelle. Miir hätte doch dört oobe siiben und no äine, wo sette zum Rächte luege. As au emool für öis e Schniifel fürig isch.
Aber halt. Doo hätt iich bim e Hoor äine vergässe, wo öis Baaselbieter fascht e chlyy berüemt gmacht hed. Dr Faro. Öise Baaselbieter Bolizeihund. Dä hed z Bäärn, oder ämmel in dr Nööchi drfoo, zuebisse. Nit numme bäffzged und belfered und wenns den Ärnscht gülted, der Schwanz yyzie, wie…, aber löie miir daas.
bäffzge = kläffen
belfere = bellen
