Näi. Nit die, wo de sofort an es drochnigs Chääferfüdle dänksch, wenn de dryybyssisch
Ich maag mii nämmlig no bsinne, as früener z Sissech e Beckerei gee hed, mit de beschte Schoggi-S. Wenn men in die S bisse hed, isch d Schoggi no füecht gsii und s hed bim Apbyysse fyyni Fääde gee. Käi Staubwulche.
Iich haa d Hoffnig scho fascht uufgee, bis do letschti myy Liebschti wiider emool äinisch mit Schoggi-S vom hiesige Beck häichoo isch. E chlyy schälb han ich in dä S bissen und dänkt, jetz fliege wiider öbbe tuusig Stückli bruuni Meringues-Schaalen im Zügs umme. Aber nüt doo. Dr S hed nit grämseled. Er hed gschmeckt wie alben und isch schöön füecht gsii. Dir gsääied. No isch d Wält nit verloore.
schälb = misstrauisch
grämseled = übel schmecken
