Aber näi au. Jetz hed me doch die Alberi, uuf Nöidütsch Fuessball-Chaote, bätte, syy selle sich doch bitte, bitte sälber bi der Bolizei aazäige.
Und jetz daas. Mäinet dir, es hätt äin vo deene Duggemüüsler öbbis voo sich lo ghööre? Böösi, böösi, die! Derbyy syy die doch sünscht no Nätti. Guet. Syy gschiiren öbbe zwüscheduuren es Fuessballstadion ap. Aber, wenn me daas nümm darf. Überhaupt. Die Junge dörfe hütten au nüt me mache, ooni as d Bolizei chunnt. S isch au woor, nundefaane.
Aber glaubed miir. Glyy ghöört me wiider vo deene Wildhiirni. Denn nämmlig, wenn d Schutterey au bi öis wiider loos goot. Denn chömme syy uus iire Löcher und fuerwärche wiider im Zügs umme. Und syy ändgültig wiider käini Nätte mee.
Alberi = Einfältige
Duggemüüsler = Heimtückischer
