IIch ha lang drüber noochedänkt, was iich deenen arme Döifel z Amerika chönnti für e Rootschlaag gee, as das Ööl nümm in d Wältgschicht uuselauft.
Und underäinisch bin iich druufchoo.
Die selles doch mache, wie d Oltiger voor zwöihundert Joor. Dört heds nämmlig im Ochse früener es Baad ghaa. As s Quellwasser, wo men in d Baadstube gläited het, nit drüberuus göitscht isch, häi die gschyyde Mannen ebe Deuchel gnoo. Ich wäiss nit, öb men au Ööl chaa duur son en uusghöölte Baumstamm loo. Brobiere chönnt mes äinewääg. Schlächter as daas, wo sii jetz mache, chaas jo nit syy – menti! Nüt für unguet
Deuchel = Wasserleitung. Aufgebohrte Holzröhre aus einem Baumstamm
menti = meinte ich