Iich stuun immer wiider. D Grillsaison goot loos und der hiesig Metzger het wiider d «Apachen-Steak» im Aagebott. Iich froog mii jeedesmool, uus waas jetz ächt die Fläischbitze gschnitten syy. Àmmel chuum vo richtigen Apache. Me wäiss doch, as vo deene Roothüüt nümme vill git. Und bis das Fläisch numme bi öis weeri. Allemool wenn iich zum Metzger gang, lueg iich die roote Schnääfel aa. Haa mii aber no nie drout, son en Apach häi z nee. Ich chauf denn amme doch lieber Chlöpfer. Guet. Bii deene wäiss me au nit so gnau, was drinn isch. Sicher aber käini Apache.
Apachen = Indianerstamm uus Ameerikaa. Syy aber nie im Baaselbiet gsii
allemool = immer
