Druurig gnueg, as me Mitti Mäi no muess im Schweedenoofen aafüüre. Aber no mee Chumber macht miir, as d Art und Wyys, wien iich aafüür, underäinisch nümm sett rächt syy. Myy Allerliebschti hed nämmlig imene Heftli glääse, as me sit nöischtem vo oobenaabe und nümm vo undenuufen aafüürt. Standebeeni han iich daas uusbrobiert. Iich mach jo alles, wo myy Frau säit – oder ämmel s mäischt. Und wie ischs uusechoo? D Hütte voll Rauch. D Frau im Luftschutzchäller, und iich, mitere halbe Rauchvergiftig, ha der Füürweer wellen erklääre, as alles in Ornig syygi.
Siider wird wiider vo undefer aagfüürt.
Chumber = Kummer
standebeeni = sofort
