S feelt syy numme no, as die Gaggelaari es Gatter um iires Ryych miechte. Es gseet ämmel esoo uus, wenn sich die Siibesieche mit «Laptop“, Handy» und emene Kaffi vom «Starbucks» in ihrem Zugsabdäil gsäädlet häi.
Syy fingerlen uuf em «Labtop» umme wie die Verruckte, und glyychzyttig bäägge si öbbis unerhört Wichtigs ins «Handy» yyne. Es nimmt sen au nit Wunder, öbb das luute Gschnöör öbber stöört. Wichtig isch, as anderi Lüt s Gfüehl häi, sii syyge wichtig. Was häisst wichtig. Wenn me sen esoo ghöört im Züügs umme bällitschiere, mäint me jo, sii syyge die Wichtigschten überhaupt.
Blööd isch halt numme, as de bim Duurelaufe und wenn denn deene Schnöösel uuf e «Bildschirm» luegsch, merksch, as dört gaar nüt so Wichtigs druff isch. Halt son es lächerigs Spiil, wo sogar myy achtjöörig Göttibueb scho lang glösche hed.
Gaggelaari = dummer Schwätzer
lächerig = lächerlich
