Häi dir am erschte Jänner au äin überchoo? Soon e heerlige Nöijoorswegge? S Joor so richtig gmüetlig aagfange? S Nöijoorskonzärt gloost?
Aha. Nit. Käi Wegge. Derfür uf de Wegge gsii. Z vill Lychesekt drunke? Chopfwee ghaa?
Dir häit no käi luuti Muusig verdräit. Statt anere gattlige Wegge, häit dir uufemene suure Rollmops ummegchöit. S hed öich der Maage zäämezooge. Bi jeedem Goorps, häit dir wiider de gruusig Gschmack vom billige Rauchlachs im Muul ghaa.
Sälber tschuld.
Brobiered doch am nächschte Altjoor draazdänke. Weniger billige Fuusel und fettigs „Fastfood“. Derfür am Daag druuf e Nöijoorswegge. Daas weeri doch emool e guete Voorsatz. Aber numme nit gsprängt, dir häit jo non e chlyy Zytt.
Nöijoorswegge = Neujahrsgebäck
Uf de Wegge syy = völlig erschöpft sein
Lychesekt = kann getrunken, aber auch zum Kleben von Photos verwendet werden
