Doon e guete Root an alli, wo z Sissech uufs nöi Hüüsli am Baanhoof wäi.
Näi. Hüüslibapyyr und Säiffi heds. Was dir aber partuu müessed byyn ech haa, isch en Äifränkler. Nit zwöi füfzgi oder fümf zwänzgi. Au käini Kreditcharte oder sünscht e Fötzel Bapyyr. Äifach en Äifränkler.
Ooni dä Äifränkler goot nämmlig gar nüt. D Düre blyybe zue und dir müessed öich en anderen Ort zum Versüüfere sueche.
Nit as öich esoo goot, wie sällere, wo soumessig Druck, aber ebe numme Münz im Borpmenee gha hed. Oder no schlimmer. Sälle, wo mit vollem Maagen und zimmlig vill Dampf – ooni Äifränkler – vor zuenige Düre gstanden isch. Aber löie mir das.
Also dänked draa. Ooni Äifränkler stöndet dir z Sissech mit zimmlig absagte – oder no schlimmer -volle Hoose doo.
versüüfere = Nachgeburt nach dem Kalben abstossen. In diesem Fall: Wasser (oder sonstiges) lasse
