D Imbi syy am Säärple.
Jetz, wo d Chiirss- und Chüttenebäum in dr Bluescht stönde, heds käini Imbi. Nundefaane, wo sie die dunners Dierli? Öbbe no in de Schyyferie oder scho nöimen uuf de Maledive?
Wenn nämmlig käini Imbi fliege, bedüted das jo, as es käini Chiirssi und käini Chüttene git. Und soo au käi Chiirssi- und käi Chüttenegumfidüüre.
Das geecht jo no alles.
Wenns aber käini Chiirssi und käini Chüttene git, chönne d Buure käi Schnaps brenne. Ooni Chiirssischnaps chaa me käini Äänisbröötli machen und ooni Äänisbröötli gits käi richtigi Wienecht. Und ooni Wienecht….? Ich mag gar nit drüber noochedänke.
Also, liebi Imbi. Hänked nit dr Wäich uuse, mached öich an d Aarped und dänked au e chlyy an d Äänisbröötli. Danke.
säärple = langsam zu Grunde gehen
Chüttenegumfidüüre = Quittenkonfitüre
