Jetz häi mir jo aagnoo, öisen eemoolig Regierigsroot Straumaa döig nöimen uf eren Alp Schööfli hüete. Aber was müesse mir jetz lääse. Nütt do, vierbäinigi Wullechnöiel büschele. Ab sofoort duet är de Heerschbrger d Hüener yy.
Will d Heerschbrger ooni e Regierig vor sich aaneduudele, häi die z Lieschtel gsäit, so goots nümm wytter. Jetz muess e Landvogt aane. Äin, wo chaa mit dr Gäisle chlöpfe. Uufruumen und abstaube. Äin wo wäiss, wie me mit ere rapelchöpfige Häärten umgoot. Glyy bloost en andere Wind und es foot afoo chutte. Fertig mit Muulaffe fäil haa, liebi Lüt vo Heerschbrg.
Jetz chunnt dr Straumaa zum Rächte cho luegen und säit öich, wo dr Bartli dr Moscht hoolt.
Er hed jo scho as Regierigsroot zäigt, wie me befiilt und füert – oder öbbe nit?
büschele = im Zaun halten
Gäisle = Peitsche
rapelchöpfig = störrisch
