Letschti Wuche han ich jo gschriibe, es syygi nit lyycht, en ere Wildsou über e Wääg z laufe. Aber was muess ich jetz ghööre und lääse.
Dr Bruder vom ehemoolige Juschtitzminischter häigi do mee Glück gha . De hett z Bärn äini gsee. E Bündner Wildsou – fryylig numme mit zwöi Bäi.
Jetz froog ich mi halt scho.
Wenn s z Bärn im Bundeshuus Söi hett, denn isch jo s Bundeshuus e Söischtel oder ämmel es Wildsougheeg.
Was chäibs isch denn dr ehemoolig Juschtizminischter jetz genau? De hett jo au es Zyttl in dem Söischtel ummegrumooret. Jä, isch de jetz emäänd öbben e Souniggel? An dr Souoornig won er in syym Söischtel gha hett – es syy jo aaschyynend wichtige Dokumänt äifach so verschwuunde – muess me s fascht aanee!
Wie häisst so schöön: Me sell nie mit Söigülle ummesprütze, wenn me sälber im Söischtel hockt – oder esoo!
fryylig = freilich
Zyttli = Zeitlang
Söischtel = Schweinesstall
Souniggel = unappetitlicher Mann
