Dr Chrääi ghöört zu dr Gattig vo de Raabevöögel – das wüsse mir jo!
Me hett au uusegfuunde, as dr Chrääi dr Voogel mit dr gröschten Intelligänz isch. Wenns ums äigene Fuetter goot, isch er bsunders aastellig. Wenn iim nämmlig öbber öbbis wett ewägg nee, zeigt er d Chrallen und chrääit, as e Gattig hett.
Er weiss au, as er bim Verstecke vom Ässe muess uufbasse, as iim niemer zueluegt.
Mängisch gseet me dr Chrääi au zääme mit Wölf. Er waartet denn, bis die d Aarbett – zum Byspiil e Wildsou boodige – gmacht häi. Und denn, frääch wien er isch, hockt er äifach aane und frisst mit. Däm säit me denn au, sich ins gmachte Näscht hocke. Aber achtig gee. Mängisch hetts in däm Näscht non e baar olti, fuuli Äier.
Dir frooget öich jetz sicher, öbb öbber mit em Naame Chrääiebüel öbbis mit emene Chrääi z due hett?
Me weiss es noonig. D Wüsseschaftler syy immer no am drumumme Düftele!
Chrääi = Krähe
aastellig = geschickt
düftele = tüfteln
