Jetz het doch würklich eine bim nöie Bahnhof z Sissech d Wäägwyyser vercheertummen uufghänkt – woorschyynlig dr Leerbueb!
Süüden isch undereinisch im Norde gsi und Norden im Süüde.
Zottlede vo Wanderer syy in die falschi Richtig gschuened. D Wöölfli vo dr Pfaadi vom Stamm Ringelsogge syy fascht duubedänzig worde, will si sich allewyyl im Kreis drüllt hei. Wenn de mit de Schruubedämpferli uf d Kunschtyysbaan hesch welle, bisch undereinisch bi dr obere Fabrik, uf dr andere Sytte vom Dorf glandet.
Halb Sissech isch underobsi gsi.
Me hett d Schilder denn bi Nacht und Nääbel ewägg gnoo. E Fachgruppe vo dr SBB hett denn drüüber brüetet, was me selli mache. Und esoo, wie mir se kenne, heis sie es Struussenei usbrüetet.
Derbyy weeris vill eifacher gsi, eifach s Dorf z drülle und d Wäägwyyser hätte wiider gstumme
Vercheert = verdreht
Zottlede = Schar
duubedänzig = verrückt
Schruubedämpferli = Schlittschuhe
