Chan e Choch e guete Bischoff syy, oder anderscht gfrogt, chan e Bischoff e guete Choch syy? Ich glaub, mir wäärdes nie wüsse.
Jede chöcherlet halt syys Süppli.
Dr Choch chocht das, was syyni Gescht gäärn hei. Dr Bischoff chocht au. Numme bestimmt är, was syyni Chunde gäärn z haa hei.
Jede duet in syym Babbedüpfi syy eignig Brei üüber. Dr eint luegt, as syy Chochede nit schweer uuflyyt. Dr ander macht es Riisegchööch, wo de meischte vo syyne Chunde schuurig uf em Maage lyt. Dr Choch nimmt möglichscht früschi Zuedaate, as syys Mool au gattlig und suufer derhäärchunnt. Dr Bischoff bruucht für syys Süppli verstaubti und olti Zuedaate. Syyni Geescht mänggele den halt au im Züügs umme. Es isch halt scho schweeri Choscht, won er do uufdischt. Drumm rumplets und rumoorets au so in de Määge vo syyne Schööfli – tschuldigung – Chunde.
Babbedüpfi = Kochtopf für Brei und Mus
Mool = Mahl
suufer = einwandfrei
mänggele = zurüchhaltend essen
