Metzgeten isch: Wenn d Blätter an de Böim langsam wääl wärden und labegheie. E lyychte Nääbelschleier in de Dääler luuret und s fyyn döiälet. In dr Beiz hocke hauptsäächlich ölteri Lüüt mit rote Chöpf. Si wangschten an riisigi Bluet- und Lääberwürscht, groobe Schwyynsbrootwürscht und saftigem Chesselifleisch umme. Derzue lüttere sie yyheimische Blauburgunder, wo mit syynere zümftige Süüri hilft, s fettig Ässe besser z verdaue. As Byylag gits chnuschprigi Röschti, sälber yygmachts Suurchrutt und Lääderöpfelschnitz. Zum Desseer denn no es gattligs Nyydlemerääng. Zum dr Maage, wo nach dere Schlacht zimmlig underobsi isch, wiider e chlyy z berueige, nämme sie am Schluss e ghöörige Schluck Bätziwasser.
Denn styyge d Lütt in ihri Auti mit de Basler Nummereschilder und mache sich beim Heimfahre über die zruggbliibene Baselbieter Rammel luschtig.
wääl = welk
döiäle = leichter Regen
wangschte = verschlingen, gierig essen
