Jetz chunnt also die schweeri Zytt, wo mir öis uf em Land, ooni d Elsbeth Schneider und en Erich Straumaa müesse duureschloo.
Die Zwöi hänke dr Regierigsroot – natürlig numme bildlich gemeint – an Naagel.
Dr Straumaa het aber nonig gnueg und will syy Bangsion z Bärn non e chlyy ufbessere. Wie heissts so schöön: Was me hett, das hett me.
Was d Frau Schneider mit iirer ville Freizytt will afoo, weiss me noonig so rächt. So lang si keini Stroossen oder Dünnel bout, si mir jo scho zfriide.
Mir nämmen aber emol aa, as beidne nit langwyylig wird und s sicher nöimen es Blätzli git, wo si sich chönne verdue. Dr Straumaa mit syyne Schööfli und d Schneider mit iirer Strickede.
De zwee nöie Regierigsrööt wünsche mir e guete Start und nit zvill unerledigti Akten in dr Wöschzäine.
Dr Grossvatter het allewyyl gseit, es chunnt nüt bessers nooche. Aber mir nämmen emol aa, as das für die nöie zwee nit zuedrifft.
Mir wei luege!
Zämme = Keine Baselbieter Mundart, passt aber gut
verdue = es sich bequem machen
