D Wintersinger häi iiri boufälligi Waldhütte nümme wellen und se ooni vill Fääderlääsen im Internet verschäärpelet. Wie uf ere Gant, numme nöimoodischer.
Mir hei dänkt, was die chönne, chönne mir scho lang. In ere Nacht- und Nääbelüebig hei mir die ganz Gmeind Zunzgen im Internet fäilbotte. Äifach eso zum Blausch.
Gwunderig hei mir uf die erschten Aagebott gwaartet und ich sääg öich, mir hei lang gwaartet.
Und denn ischs eso uusechoo, wie mir s äigedlig erwaartet hei.
As erschte het sich en usbekische Schoofzüchter, denn e balinesischi Tämpeldänzere und z letscht e kanadische Wienechtsböimlimfeller gmäldet.
Das isch alles gsi. Ebe, halt nit grad dr huffe.
Was die mit de Zunzger Gschyyds wei afoo, isch öis schleierhaft. D Sissecher brobiere das nämmlig scho sit öbbe 500 Joor.
verschäärpele = verhökern
Gant = Auktion
Zunzgen = Wird von den Sissachern etwa so ernst genommen wie Zürich von den Baslern
