Jetz hetts doch no glängt. D Helde vom FCB hei dr Schyyzer «Cup» gunne.
Mit vill stopfe, schutte, rämple, seckle, s Hööggli stelle, usschlipfe, umgheie, uf em Bode dröölen und wiider ufstoo, joomere, d Frisuur richte, mit dr Schiidsrichtere lamentiere, lamaaschig uf d Uswächselbank drotten und, wenn s Spiil fertig isch, zrugg uf s Fäld juufle, hei si am Pfingschtmeentig d Chatzestrecker vom Fäld gfäägt!
Aber eigentlich sy jo nit die d Helde, wo dr Schuttballe noocheseckle.
Die woore Helde si die mit de gääle Tschööpe, wo nünzg Minute mit em Rugge gege s Spiilfäld in d Zueschauer stieren und ufbasse, as sich niemer am Grind nimmt.
Die arme Käärli gseie nüt vom Spiil, usser ebe, si hätten Augen am Füüdle.
Augen am Füüdle = alles mitbekommen
usschlipfe = ausgleiten
drööle = wälzen
lamaaschig = langsam
juufle = hasten
