Jetz hange sie wieder, d Chöpf vo dä zuekümftige Landröötine, Landrööt, Regierigsröötinen und Regierigsrööt. (Es isch nümm wie albe: Früeijner hets numme Manne geh, wo in d Politik hei welle, do weeri dä Yganssatz nit so lang worde. He nu so denn). Aso, natürlig hange nit die richtige Chöpf vo dä Kandidierende, sondern numme d Bilder derfo.
Sie machen alli zämmen ä nueferen Ydruck, ämmel uf dä Bilder. Ä Deil blinzle wie früschgschlüpfti Buechfinke, anderi gluure wien ä Nachthöiel oder stiere wien ä Fischreier im Schilf. Aber alli wei sie s Bescht für öis, ämmel sicher vor dä Waale. Es muess öis bis jetz jo soumessig luusig gange sy, wenn plötzlig alli alles wei besser mache.
Mi nimmt wunder, was denn in vier Joor los isch. Will denn isch jo alles guet. Was wei denn die, wo denn kandidiere, no besser mache? Ebe!
Mir wei luege.
nuefer = gesund, munter, lebhaft
gluure = scharf sehen
Nachthöiel = Waldkauz
