S wird alles guet, oder ämmel nit schytterer.
D Dannen uf em Wettsteiblatz, wo eim bim Usstyge us em Dramm jedesmool dr Grind verchrääblet, chunnt ewägg. D Frau Regierigsröötene Pegoraro weiss undäreinisch, was ihre Maa mit em Gäld macht. D Elsbeth Schneider und dr Erich Straumaa trätten us dr Regierig zrugg. D Wasserfallegondeli müesse nummen öbbe 18 Mool neu gschweisst wärde. Dr Regierigsroot Wüthrich schwätzt uf äismool ä Dialäkt, wo mir Baselbieter au verstöönde. Dr Chienbärgdunell isch mee as fünf Daag am Stück offe. Dr Petric wird Schwyyzer und dr Gigi Öri gheie nie die aagchlääbte Fingerneegel ab. Dr Belaag uf dr Autibahn A2 bi dr Gallerie muess numme no zwöimool ausgwächslet wärde. D Tamara Wernli fuchtlet nümm mit dr Videoakamera im Züg umänander und es ärdbeebnet nie meh wägen ä baar Bumpäne.
Dir gseiet, es wird alles guet. Heit ä guete Rutsch.
schytterer = schlechter
undäreinisch/uf äismool = plötzlich