Güüngerlen isch öbbis Chöschtlichs. No chöschtlicher ischs aber, wenn mä mit frömdem Gäld cha güüngerle.
Uf ganz höchem Niwoo wird zur Zyt z Sissech güüngerlet.
Zerscht rysst men an dr Yysebaanbrugg umme, as d Aawooner halber lätz wärde. Wenn fertig isch mit Ummesyyrache, ruumt mä d Boustell zämme. Denn isch für es Zyytli rueig. S goot aber nit lang und ä nöiji Mannschaft rückt mit Bagger und än ere Dampfwalzi aa. Jetz wird d Strooss uufgrisse. Dieffi Grääbe wärde grüüblet. S ganz Theaater goot no einisch vo vorne loos. Wenn alli Schuufle versorgt und dr Pflaschter troochnet isch……, mir wüsse scho, wies wyytergoot. Im ene Joor wird denn wieder graabe und s wärde nöiji Abwasserleitige verleit.
Für as mä hätt chönnen ä baar Batze spaare, hätt me jo alles zämme chönne blaane, aber denn wers jo eben nümme güüngerlet gsi.
Güüngerle = Geld für Unnötiges ausgeben
ummesyyrache = rumlärmen
