Es basiert jedes Joor bim Chüttenegumfidüüre mache. Wie us em Nütt, hets plötzlig öbbe hundertduusig Umpäissen uf em Chuchidisch.
Es isch jo schon ä Souchrampf, die bickelherte Frücht z schelle und den in Stückli z schnääfle. D Finger gseien amme nochhär us, wie die abfroorene Chreuel vom Reinhold Messner. Und denn muesch die no mit dene diifige Vyycher ummeschloo. Juschtemänt nämmlig, wenn dä dr Zucker an d Chüttene gleert hesch, chramslet ä ganzi Horde vo denen us ihrem Versteck und mache sich wie uuf Kommando über mini Chütteneschnitz här.
Jetz zeig ich s aber dene dunners Umpäisse. Ab sofort wird nämmlig nümm Gumfi, sondern Chütteneschnaps gmacht. Ich fröij mi scho jetz, wenn sie vo mym Chütteneschnaps lüttere, und denn wien ä Banndagsrotte dr Heimwääg in Umpaissehuffe sueche.
Umpäisse = Ameise
Chüttenegumfidüüre = Quittenkonfitüre
chramsle = krappeln
